الاقسام
- تمويل و الأعمال التجارية
- الكمبيوتر والانترنت
- التعليم
- البيئة والاستصلاح
- أسرة
- طعام و شراب
- الأدوات المنزليه
- الصحة
- الهوايات
- تحسين المنزل
- فكاهة
- أطفال ومراهقون
- قانون
- تسويق
- الرجال
- موسيقى وأفلام
- اعمال تجاريه عبر الانترنت
- الأبوة والأمومة
- الحيوانات
- السياسة والحكومة
- الترفية والرياضة
- العلاقات
- الدين والإيمان
- تطوير الذات
- سياحة و سفر
- تطوير شبكة الويب
- نساء
- تجارة إلكترونية
- تسويق الكترونى
- تصدير واستيراد
- أرباح عبر الانترنت
6 فوائد لتجعل من القراءة عادة يومية
اسم المؤلف : عبدالرحمن توفيق إبراهيم صالح
حفوائد لتجعل من القراءة عادة يومية
هنتعرف مع بعض علي 6 فوائد لتجعل من القراءة عادة يومية بس الأول هيكون في مقدمة بسيطة نعرف فيها ليه لازم نقرأ وليه لازم نخلي القراءة عادة يومية في حياتنا.
ناس كتير شايفة القراءة مُجرد تسلية أو تضييع وقت، ومفيش منها أي استفادة، زائد إننا مشغولين وورانا حاجات أهم من إننا نقرأ.
للأسف النظرة دي غلط وإحنا معذورين وملناش ذنب، لأننا من صُغرنا إتربينا على كدا، لما كان المُدرس أو الوالد
يشوفوك ماسك كتاب خارج المنهج يزعقولك ويقولك ركز في مذاكرتك الأول، مش كل الآباء كدا طبعًا لكن الغالبية العظمى.
في نقاط بسيطة وباختصار لإن الموضوع محتاج كلام كتير، هنتكلم عن فوائد القراءة وفي النهاية هنختم بشوية اقتباسات من الأدباء عن أهمية القراءة.
6 فوائد لتجعل من القراءة عادة يومية
1- تنشيط وتحفيز الدماغ:
الدماغ عضلة عادية مثل باقي العضلات، محتاجة تمرين كل فترة عشان متعطلش، القراءة باستمرار هتخلى دماغك نشيطة وفي وضع الاستعداد دايمًا.
2- اكتساب معرفة هائلة:
خصوصًا لو بتقرأ في الكتب العلمية والتاريخية، هتفتح لك نافذة على معلومات ومواضيع مكنتش هتسمع عنها غير من خلال القراءة.
3- تحسين الحالة النفسية وتخفيف التوتر:
ودي بتحصل في الغالب مع قراءة الروايات بمختلف أنواعها، القراءة بتدخلك في موود حلو، وبتفصلك شوية عن العالم اللي حواليك، وتروح بيك لعوالم تانية أكثر إثارة وتشويق.
4- تنمية المهارات الإبداعية:
مع تعودك على القراءة لفترة طويلة هتحس بفرق كبير جدًا في طريقة تفكيرك وتفسيرك للأمور والأحداث اللي
حواليك، هتحس إن كلامك وآراءك مبنية على منطق وعلى أساس سليم، عكس الأول كنت بتحس إنك مش واثق من رأيك ومش عارف تدافع عنه أو تثبت وجهة نظرك بشكل مُنظم.
5- القدرة على إيجاد الحلول للمشكلات:
القراءة بتساعدك تسقط اللي بتقرأه وتتعلمه على الواقع، يعني لما بتقرأ عن حدث معين أو بطل القصة واقع في مشكلة كبيرة، لما بتواجه ظروف شبيهة وتقع في مشكلة بيبقى عندك خلفية سابقة وقدرة على التعامل مع المشكلة بشكل سليم يقدر يوصلك للحل.
6- القدرة على التعبير ومهارات التحدث:
لما تقرأ باستمرار، حصيلتك من اللغة والمفردات هتزيد، هتقدر تعبّر عن إحساسك ومشاعرك بأكتر من طريقة، وأكتر من جُملة، هتقدر ترتجل بسهولة، وتتكلم في أي نقاش بقلب جامد وبثقة في النفس كبيرة.
باختصار، القراءة لا غنى عنها لو كنت عايز تنجح في حياتك وفي مهنتك الوظيفية، أغنى أغنياء العالم وأكتر
الشخصيات الناجحة في مجالها دائمًا وأبدأ في أي حوار معاهم وأي سؤال عن إزاي نجحوا في حياتهم، هتلاقي
القراءة دايمًا هي السبب الأول اللي بيذكروه.
اقتباسات عن فوائد القراءة:
“غرفة بلا كتب مثل جسد بلا روح”. عبد الكريم بكار.
“قاريء اليوم هو قائد الغد” فرانسيس بيكون.
“بمجرد أن تتعلم القراءة، ستكون حرًا للأبد. – فريدريك دوغلاس.
“لولا الكُتب لكنت قد مِت قبل مدة طويلة”. إميلي نوتومب.
“غير أن الكتب في نهاية المطاف لا تُعد ترفًا بقدر ما هي ضرورة، القراءة إدمان “. بول أستر.
“إذا كنت تقرأ فقط الكتب التي يقرأها الجميع؛ فستفكر فقط كما يفكّر الجميع.” هاروكي موراكامي.
“من الجيد أنك تقرأ، اكتسب عادة القراءة، فسيحين الوقت الذي تعرف فيه قيمة هذه العادة.” – أنطون تشيخوف.
“إذا قرأت -قراءة فعلية- أربعين كتابا حقيقيًّا خلال عشرين عامًا، فبوسعك مواجهة العالم.” أمين معلوف.
“تعلم واقرأ الكتب الهامة والقيّمة، ودع الحياة تتكفل بالباقي.” دوستويفسكي.
“أن تتعلم القراءة كأن تتعلم إشعال النار، فكل كلمة ستكون هي شرارة.” فيكتور هوجو.
“إن أكبر هزيمة في حياتي هي حرماني من متعة القراءة بعد ضعف نظري” نجيب محفوظ.
“مهما كنت تعتقد أنك مشغول، لا بدّ أن تجد وقتًا للقراءة
وإلا سلّم نفسك للجهل الذي قضيت به على نفسك” كونفوشيوس.
“لا يمكن أن تكون القراءة هواية، كيف لشيء يُكسبك معنى الإنسانية، ويُطوّرك معرفيًّا، ويُهذّبُك وجدانيًّا، ويُعرّفُك بالعالم المحيط أن يكون ثانويًا.”
التعليقات